Hasiera: 40 egun !

Zer da Baietz 40 egun euskaraz ?

Herri-erronka da, euskaraz ulertzen edo hitz egiten duten lasarte-oriatar guztiei zuzendua. Batzuei, hizkuntzaren armairutik ateratzea proposatzen zaizue, eta besteei, armairutik atera diren horiek animatzea eta laguntzea.Euskararen Maratoiarekin batera hasi (urriak 22-23) eta Euskararen egunean (abenduaren 3an) bukatuko da.

Zer da hizkuntzaren armairutik ateratzea ?

Gure gaztelaniazko hizkuntza ohituretatik ateratzea eta hizkuntza portaera euskarara ekartzea da. Horretarako, bi figura dira beharrezko:

Baietz 300

Euskarazko jokaera aktiboa hartuz, armairutik aterako diren herritarrak dira. Astebetez, euskaraz egingo diote ulertzen duenari.

Baietz 3000

Ahobizien euskarazko aktibotasuna ondo hartzen dutela adierazi duten herritarrak dira, hau da, dakienari euskaraz aritzeko gonbitea egindo diote.

6 aste, 40 egun

Erronkak iraungo duen 40 egunak 6 astetan banatuko ditugu. Belarriprestek, erronkak dirauen 6 astetan jokatuko dute belarriprest gisa. Ahobiziek, berriz, astebeterako ematen dute hitza.

Erronkan parte hartzeko baldintzak

Lasarte-Orian jaio, bizi edo lan egitea.
16 urtetik gorakoa izatea.
Izen ematea (diptikoan edo web orrian).

BELARRIPREST izan nahi dut!

Belarriprest izateko, euskaraz ulertu behar duzu ezinbestean.

Belarriprest izanda:

Zure jarrera positiboa erakusten duzu: "bai, ongi hartzen dut norbaitek niri euskaraz egitea"
Gonbitea egiten diozu euskaraz dakienari zuri euskaraz egiteko: Euskaraz ulertzen dut. Egidazu lasai euskaraz!"
Lagundu egiten diozu euskaraz egin nahi duenari armairutik ateratzen.

Belarripest izateko:

Aurrena izena eman behar duzu beheko botoia sakatuta.
Maratoiaren asteburuan txapa bat emango dizugu, Belarriprest zarela adierazten duena. Txapa hori soinean eraman beharko duzu sei astez, erronkak irauten duen bitartean, hain zuzen.

AHOBIZI izan nahi dut!

Ahobizi, euskaraz bizi. Ahobizi izan nahi baduzu, astebetez euskaraz bizitzeko erronkari eutsiko diozu.

Zer esan nahi du horrek?

Ingurunean (etxean, lagunartean, lantokian...) dituzun ezagunekin euskaraz egingo duzu, baldin eta euskaraz ulertzen badute. Ezagun horiekin beti eta erabat egingo duzu euskaraz zazpi egun horietan, nahiz eta haiek zuri erdaraz erantzun
Ezezagunekin hitz egiterakoan, zuk lehen hitza euskaraz egingo duzu, eta ulertzen badizute, euskaraz jarraituko duzu. Berdin da haiek zuri erdaraz erantzutea.

Ahobizi izateko:

Aurrena izena eman behar duzu beheko botoia sakatuta.
Maratoia hasi aurretik, izena eman duzuen Ahobizi guztiak bildu egingo zaituztegu. Identifikazio txapa emango zaizue, eta erronkari ahalik eta erosoen heltzeko, aholku batzuk prestatuko ditugu.